Unha aposta pola produción ecolóxica de queixos

A queixería de Cobideza, baixo a marca comercial Dona Cobiña, elabora mensualmente arredor de 8.000 quilos de queixo, entre as variedades de Arzúa-Ulloa, Tetilla e ecolóxico. A produción ecolóxica supón nestes momentos un terzo do total, pero irá a máis. Na actualidade, Dona Cobiña está ofrecendo estas tres liñas de queixos, pero a medio prazo poderá contar con ata seis variedades, xa que a cooperativa Cobideza traballa tamén en queixo elaborado con leite fresco (que non precisa pasteurización) e do que se fan moi poucas unidades, así como tetilla ecolóxico e queixo de barra do país, idóneo para locais de restauración, xa que permite elaborar pezas de ata dous quilos. Cobideza mantén contacto con distribuidores para vender o seu queixo en todo o mercado nacional e mesmo a varios países europeos. O leite coa que elaboran os seus produtos proceden de explotacións de Forarei, A Estrada, Silleda, Vila de Cruces, Lalín , Agolada, Antas de Ulla e Monterroso.