O Atlántica Beach Festival volve en Pascua

O Concello de Nigrán aposta novamente esta Semana Santa pola música electrónica de calidade ofrecendo a xoves 17 de Abril a partir das 19:00 horas a terceira edición do festival Atlántica Beach Party, en Praia América e de xeito totalmente de balde para o público.

O Concello mantense fiel a esta cita que congrega durante toda a tarde-noite a todo tipo de público, pero que atrae especialmente á mocidade, para bailar e difrutar coa mellor música urbana e electrónica.

Participantes

Está nova edición contará cun dos dj’s urbanos máis recoñecidos do país como é Alex Martini, que estará acompañado no escenario polo galego máis internacional, Groove Amigos, ademais de Gainza, Samu Pexe, Alex G. e Vince Stone; que porán a bailar á mocidade nun escenario tan privilexiado coma o de Praia América.

Pero non só a música será protagonista, tamén o show visual co escenario móbil A Gramola 360º. O seu é un dos shows máis demandados e modernos do país, con pantallas led, son, ou efectos especiais de última xeración.

O evento terá barra e diversas food trucks.

«Somos un Concello que ofrece festivais de música para todo tipo de públicos e gustos, non temos un concepto pechado da cultura. En Nigrán podes asistir a festivais de jazz, música clásica, Reggaeton… A diversidade e a inclusión defínennos en todos os sentidos, tamén no musical», reflexiona o alcalde, Juan González.