Illas Cíes
Xeoparque Mundial da UNESCO
Un Xeoparque protexe, preserva, conserva, investiga, adquire, comunica e exhibe os sitios do patrimonio da Terra tanxibles e intanxibles de valor internacional e a súa contorna con fins de educación, estudo e goce.
Que é un XEOPARQUE?
Un territorio que presenta un patrimonio xeolóxico notable que é o eixo fundamental dunha estratexia de desenvolvemento territorial sostible baseado na educación e o turismo. Son áreas xeográficas onde os sitios e paisaxes de importancia xeolóxica internacional xestiónanse cun concepto holístico de protección, educación e desenvolvemento sostible.
Misión e propósito
Un Xeoparque é unha área recoñecida pola UNESCO, aberta ao público, que é responsable da protección e a xestión racional dun territorio unificado cun límite único que comprende varios sitios do patrimonio xeolóxico de importancia internacional en calquera escala, ou un mosaico de entidades xeolóxicas de especial importancia científica, rareza ou beleza. Estas características son representativas da historia xeolóxica dunha rexión e dos eventos e procesos que a formaron.
