As altas temperaturas retrasan a posta a punto dos sistemas de calefacción

Coa inminente chegada do inverno -a pesares de que nestes días estamos a rexistrar temperaturas demasiado elevadas para a época do ano-, os profesionais do sector do calor e a calefacción das comarcas de Deza e Tabeirós Terra de Montes comezan a sua tempada alta. Os especialistas aconsellan sobre o sistema máis axeitado para cada caso concreto. Ano tras ano hai novidades dentro do sector, pero con todo, o calor eléctrico e as cociñas calefactoras e de biomasa -sobre todo de pellets- seguen a ser os produtos máis demandados. A electricidade ben empregada e a leña de calefacción, son sistemas tradicionais que manteñen o pulso coas novas ofertas do mercado. Pola súa banda, as bombas de calor consolídanse coma un dos sistemas mais eficientes, posto que consume moita menos enerxía da que produce.

Ademáis, os profesionais recordan que o aforro non está somentes no sistema elexido, se non nun uso responsable do mesmo. Neste senso, os expertos recomendan unha temperatura entre 20 e 22 ºC no fogar durante o día, e advirten que por cada grao que se incrementa, o consumo medra entre un 5 e un 7 %.

Non se esquecen da importancia do mantemento e limpeza dos diferentes sistemas de calefacción, algo fundamental para un consumo eficiente, seguro e responsable.

As comarcas contan con instaladores altamente cualificados e en formación constante, actualizándose e adaptándose ás esixencias do mercado, para así garantir o confort e a seguridade nos nosos fogares.